E CUEBANAN SCUR

Hungando den cura di nan madushi, Didi y su gang ta topa cu un entrada magico pa un otro mundo. Leu bou tera, e muchanan ta haya nan mes ta uza nan propio inteligencia y talentonan special pa sobrebibi.

Y pa wak si nan por salba nan amigonan nobo di un enemigo mortal….. prome cu nan mundo caba.

Un bunita buki pa muchanan di edad di 10-12 aña. Yolanda Croes ta un autor conoci pa skirbi buki basa riba bida real y esaki ta su di dos buki pa mucha.

“E cuebanan scur” ta un buki di fantasia den e serie: “E aventuranan di Didi y su gang”. Cu e storianan aki, e autor ta pinta un mundo magico cu palabra y na mesun momento ta pone atencion riba e daño cu invasion di especie por causa na nos naturalesa.

 E ta laga e heroenan Didi, Ziki y Tim-Tim resolve e problema aki, na un forma humano y creativo. E buki ta bini cu ilustracion haci dor di Armando Goedgedrag.